أجمل أماكن الخروج والفسح في القاهرة


القاهرة المدينة التي لاتنام أبدًا 🙂 اذا كنت تبحث عن أماكن للخروج والفسح في القاهرة ، اليك دليل أشهر أماكن الخروج والفسح في القاهرة اللي بتناسب كل الأعمار والأذواق

أماكن الخروج والفسح في القاهرة
أماكن الخروج والفسح في القاهرة

أجمل أماكن الخروج والفسح في القاهرة

 

1- برج القاهرة – الزمالك

برج القاهرة يعتبر من اشهر أماكن الخروج والفسح في القاهرة ، موجود فى جزيرة الزمالك بنهر النيل، وتم تصميمه على شكل زهرة اللوتس المصرية، وبيتكون من 16 دور ممكن نشوف القاهرة كلها في لحظة واحدة من المنظار المكبر، و هتلاقوا فيه المطعم الدائري و كمان فيه فى الدور الـ15 كافيتريا بتقدم العصائر والمشروبات، مفتوح من الساعة التاسعة صباحًا لحد واحدة الصبح، وأسعار التذاكر: 20 جنيه للمصريين والأطفال أكثر من 6 سنين.

2- المراكب النيلية

و كمان مينفعش ننسى المراكب الثابتة والمتحركة

زى “النايل سيتي، سكرابيه، فرعون النيل، النايل كريستال، أرمادا، نايل سيتي، نايل مكسيم، الباشا، نايل لي لي وبلو نايل”،

شوفوا من هنا اماكن رحلات عشاء نيلية واسعارها

برج القاهرة - النيل
برج القاهرة – النيل

3- مجمع الكافيهات

ومجمع الكافيهات زى “تيفولي دوم بفرعيه في مصر الجديدة و6 أكتوبر، أمريكانا بلازا في 6 أكتوبر، بلوبلو بالمنيل، ذا ديستركت وأواسيس بمساكن شيراتون، بلاتفورم بالمعادي وإميرالد أمبير في التجمع الأول بالقاهرة الجديدة”.

وممكن كمان من هنا شوفوا المطاعم في كل احياء القاهرة.

4- كيدزانيا – القاهرة الجديدة

تعتبر كيدزانيا متنزه عالمي للتعليم الترفيهي للأطفال،

ومصممة بالظبط زى المدن الحقيقية توفر فرصة للأطفال من سن ٤ إلى ١٤ للعب الأدوار اللى هيوصلولها لما يكبروا و يشتغلوا،

المدينة دلوقتى كمان بتقدم برامج ترفيهية للكبار و تعتبر مكان مناسب جدا للعائلات ،

وبتستقبل الزوار مرتين في اليوم من الساعة الحادية عشر صباحًا ولحد الرابعة مساءً، أو من الخامسة مساءً ولحد العاشرة مساءً،

وأسعار التذاكر الأطفال أقل من 4 سنوات 100ج، من4 حتى 14 سنة 130 ج، والمرافقين البالغين 85ج.

5- قرية فجنون – مساكن شيراتون، الهرم

فجنون من الأماكن النادرة في مصر للترفيه والتعليم، ب

يستمتع فيه الكبار و الصغيرين لان فيه أنشطة كثير منها التلوين على الحيط أو اللعب بالطين،

وتعتبر من اجمل أماكن الخروج والفسح في القاهرة و كمان ممكن الأطفال يختاروا ما بين الركوب على ظهر الخيل أو الحمار أو الجمل،

وبيستقبل المكان الناس من التاسعة صباحًا و لحد الخامسة مساءً،

أما عن الأسعار فتتراوح ما بين “30: 50ج للنشاط الواحد”، فجنون أواسيس “50 ج للفرد شاملة الدخول ونشاط واحد، 35ج لأي نشاط إضافي”، فجنون أرت بالمريوطية: 40ج للفرد شاملة الدخول ونشاط واحد، 30 لأي نشاط إضافي، فجنون فلاح بالمنصورية “30ج للفرد شاملة الدخول ونشاط واحد، 25 لأي نشاط إضافي”.

6- أدرينالين بارك – 6 أكتوبر

لو عايزين مكان للخروجه كلها حيوية ونشاط, يبقي ده اختيار هايل لكم، أدرينالين بارك هو مكان مفتوح من الأماكن المتخصصة في توفير ألعاب حرب الألوان “Paintball”، وبيتم اللعب عن طريق تكوين فرق “مجموعات” مش بتقل عن 8 أفراد، المكان مفتوح من الساعة الثانية عشر مساءً لحد التاسعة مساءً، وسعر الفرد 150 جنيهًا شامل “الزي، المسدس، الطلقات”، وعدد الطلقات 100 طلقة، إضافة إلى حروب الليزر والألعاب المائية “الأكوا” وهي آمنة للأطفال من سن 3 سنوات.

7- سمارت كامب – العبور

ممكن تقضى يوم جميل مع اصحابك ، وممكن تتزحلق على الرمال لمدة ساعة كاملة، وملعب كرة الصابون لمدة ساعة كاملة، والكرة الطائرة مفتوحة المدة، وكرة القدم، وكرم القدم الأمريكية، وكرة السرعة، والبينج بونج في صالة مغطاة، ويشترط الحجز المسبق على الأقل بيومين ولازم عدد المجموعة متقلش عن 20 فردًا، وسعر الفرد 120ج، ولو كان عدد الأفراد من 50:30 بيكون سعر الفرد 100، بخلاف ركوب الخيل 30ج.

8- شارع المعز – الحسين

من اجمل واشهر أماكن الخروج والفسح في القاهرة , منطقة الأزهر والحسين فيها كثير من الأماكن اللي ممكن نستمتع بيها بأقل التكلفة، زى شارع المعز في الحسين ومنطقة الأزهر وخان الخليلي ، و فيها الكثير البيوت الثقافية اللى بيتعمل فيها الندوات والحفلات بأسعار تتراوح من “5ج: 30ج” زى بيت السناري وبيت السحيمي، ووكالة الغوري، وقبة الغوري، وبيت زينب خاتون.

خان الخليلي
خان الخليلي
اقرأ ايضاً:

السياحة في الأقصر

السياحة في أسوان

9- كريزي ووتر – الشيخ زايد

مدينة الألعاب المائية كريزي ووتر من اكبر و اقدم مدن الألعاب المائية في مصر

مليانة حدائق الخضراء، وألعاب الفيديو جيم، وسباق السيارات، وألعاب الليزر الشيقة، وحديقة الألعاب المبهرة، مفتوحة من العاشرة صباحًا ولحد السادسة مساءً،

وسعر التذكرة: 65 جنيهًا، الأطفال أقل من 3 سنوات مجانًا.

10- أفريكا سفاري بارك

هي عبارة عن حديقة للحيوانات فى شكل غابة أو سفاري،

يعنى ممكن تتمشى فيها بين الحيوانات بالسيارات و ساعات ممكن تتمشى على رجليك ،

وده حسب خطورة الحيوانات، وفيها كثير من الحيوانات الأليفة والمتوحشة وأنواع كثيرة من الطيور و شوية أنواع من الحيوانات النادرة،

وموجودة في الكيلو 65 طريق “الإسكندرية – القاهرة” الصحراوي، وشغالة من الساعة التاسعة صباحًا حتى الرابعة عصرًا،

ورسم دخول السيارة الملاكي 400 جنيهًا.

11- قرية العزبة – الهرم

طريق سقارة السياحي- ترعة المريوطية، ممكن تقضى يوم وتستمتع بحمام السباحة شامل الإفطار والغذاء بسعر 130 جنيهًا، من الساعة الثامنة صباحًا و لحد الثامنة بليل ، و فيها ملاعب كرة، وملاهي أطفال وخيمة عربية و الخيول.

12- سكيت ماكس – 6 أكتوبر

موجود فى سيتي سكيب مول، و ممكن تستمتع بالتزلج على الجليد من الساعة العاشرة صباحًا لحد الثانية عشر بليل، بـ25 جنيهًا للفرد لمدة 15 دقيقة، و40 جنيهًا للفرد لمدة 30 دقيقة، و60 جنيهًا للفرد لمدة 60 دقيقة.

13- جزيرة المعادي

من الاماكن الهادية للخروج في القاهرة, موجودة قدام مستشفى القوات المسلحة،

هتلاقوا فيها مجموعة جزر صغيرة فيها بحيرات صناعية،

وسعر تذكرة الدخول 5 جنيهات، و فيها كمان مركب تلفوا بيها حولين الجزيرة بـ10 جنيهات للفرد

و كمان فى المطاعم والكافيهات و منطقة ألعاب الأطفال المفتوحة، وبتفتح الحديقة أبوابها من العاشرة صباحا ولحد الحادية عشرة بليل.

14 -المولات التجارية

ومن اشهر أماكن الخروج والفسح في القاهرة المولات التجارية

زي سيتي ستارس و كايرو فستيفال سيتي, مول العرب, وداندي مول, ومول مصر

وكلهم بيبقى فيهم الماجيك بالانت اللي فيها ملاهي صغيرة ولعب أطفال,

وكمان فيه في سيتي سترس مكان زي ال إيزون سيتي ستارز EZone CityStars, مكان هايل للعب الصغيرين والكبار ومواعيده من 11:30 صباحاً إلي الساعة 11:30 مساءاً كل يوم.

15- المسرحيات

من الخروجات المميزة جدا في القاهرة هي خروجة المسرحية,

خروجة مع الأصحاب أو الأهل, نقضي وقت ممتع ونضحك وديه خروجة عامة مش بنعملها كتير عشان كده ممكن نخليها للايام المميزة.

– مسرح مصر: بطولة اشرف عبد الباقي, مكانهم على مسرح مصر داخل فندق جراند نايل تاور بجاردن سيتي وسعره مش عالي ومعقول سعر التذاكر: 150,100,75 جنيه.

– تياترو مصر : بطولة أحمد فتحي – بيومي فؤاد – محمد لطفي , مكانهم علي خشبة مسرح بجامعة مصر للعلوم والتكنولوجيا (ماست اوبرا هاوس) بالسادس من أكتوبر وسعر التذاكر: 100,75 جنيه.

16- الأوبرا

وكمان الاوبرا من اجمل واشهر أماكن الخروج والفسح في القاهرة

علي طول بيقام فيها حفلات بصفة يومية وفيها كل الاذواق بكل مافي الكلمة

, من حفلة جاز, لحفلات كلثوميات, موسيقي عمر خيرت, موسيقي فن اسباني, باليه, رقص مسرحي حديث, وغيره وغيره,

و أسعار التذاكر: 150 – 100 – 75. شوفوا من هنا كل المواعيد والحفلات اللي بتتم في الأوبرا

قد يعجبك ايضا

اترك تعليق

يرجي التسجيل لترك تعليقك

شكرا للتعليق